அங்குள்ள விவசாய நிலத்தின் ஒரு பகுதியில், கும்பலாக மாடுகள் மேய்ந்து கொண்டிருந்தன. அதில், சில எருமை மாடுகள் தரையில் விழுந்து துடிப்பதை கண்டு கால்நடை உரிமையாளர்கள் அருகில் சென்று பார்த்தனர்.

அப்போது, அப்பகுதி விவசாய நில மின் மோட்டார்களுக்கு செல்லும் மின் கம்பி அறுந்து தரையில் விழுந்திருப்பதை கண்டனர்.

இதில், மின் கம்பியில் சிக்கி அன்னாத்துர் பகுதியைச் சேர்ந்த பரமசிவம், 44, என்பவருக்கு சொந்தமான 5 எருமைகள், நந்தகுமார், 36, என்பவருடைய 3 எருமைகள், டில்லிபாபு 40, என்பவரது ஒரு எருமை என, ஒன்பது மாடுகள் உயிரிழந்தன.

அப்பகுதியில், பழுதடைந்து மக்கிப்போன பழைய மின் கம்பிகளை மாற்றாத சாலவாக்கம் மின்வாரியத்தின் அலட்சியமே மாடுகள் உயிரிழப்பிற்கு காரணம் என, அப்பகுதி கால்நடை பராமரிப்போர் குற்றஞ்சாட்டி உள்ளனர்.

இதுகுறித்து, சாலவாக்கம் போலீசார் விசாரிக்கின்றனர்.