பல்வேறு பகுதிகளுக்கு செல்லும் தொழிலாளர்கள், இச்சாலை வழியாக நள்ளிரவு வரை பயணிக்கின்றனர். இந்த சாலையில், மணப்பாக்கம் ஏரி கலங்கல் அருகே அபாயகரமான வளைவு உள்ளது.

இச்சாலையின் ஒருபுறம் ஏரிக்கரையையொட்டி உள்ளதால், எதிரே வரும் வாகனங்கள் தெரியாத நிலை உள்ளது.

மேலும், மின் வசதி இல்லாத இச்சாலையில், இரவு நேரங்களில் வாகனங்கள் ஒன்றோடு ஒன்று மோதிக் கொள்ளும் சம்பவங்களும் நடந்து வருகின்றன.

எனவே, விபத்தை தடுக்கும் பொருட்டு, இச்சாலை வளைவுகளில் வேகத்தடை மற்றும் எச்சரிக்கை பலகை அமைக்க, வாகன ஓட்டிகள் மற்றும் பகுதிவாசிகள் கோரிக்கை விடுத்துள்ளனர்.