அவ்வாறு அறுவடை செய்யும் நெல்லை, நெற்களத்தில் கொட்டி உலர்த்தாமல் அப்பகுதியில் உள்ள வந்தவாசி -- காஞ்சிபுரம் நெடுஞ்சாலையோரத்தில், கொட்டி உலர்த்தி வருகின்றனர்.

பின், அங்கேயே நெல்லை வாகனங்களில் ஏற்றி காஞ்சிபுரம், வந்தவாசி ஆகிய பகுதிகளுக்கு விற்பனைக்கு அனுப்பி வைக்கின்றனர். இதனால், நெடுஞ்சாலையோரத்தில் வாகனங்களை நிறுத்துவதால், அவ்வழியே செல்லும் வாகனங்களுக்கு இடையூறு ஏற்படுகிறது.

மேலும், இரவு நேரங்களில் சாலையோரத்தில் உள்ள நெல் குவியல் மீது, எதிர்பாராதவிதமாக வாகன ஓட்டிகள் மோதி விபத்தில் சிக்கி வருகின்றனர். அப்பகுதியில் நெடுஞ்சாலையோரத்தில் போக்குவரத்துக்கு இடையூறாக நெல் கொட்டப்படுவது தொடர்ந்து நடந்து வருகிறது.

எனவே, நெடுஞ்சாலையோரத்தில் நெல் கொட்டுவோர் மீது, துறை அதிகாரிகள் நடவடிக்கை எடுக்க, வாகன ஓட்டிகள் கோரிக்கை விடுத்துள்ளனர்.