ஸ்ரீஆதிசங்கரரின் ஜெயந்தியை உத்சவமான நேற்று காலை, காஞ்சிபுரம் சங்கர மடத்தில் ஹோமம், வேத விற்பன்னர்களின் வேதபாராயணம் உள்ளிட்டவை நடந்தது..

காஞ்சி மடாதிபதி சங்கர விஜயேந்திர சரஸ்வதி சுவாமிகள், இளைய பீடாதிபதி சத்ய சந்திரசேகரேந்திர சரஸ்வதி சுவாமிகள், பிருந்தாவனத்தில் தங்க கவச அலங்காரத்தில் அருள்பாலித்த மஹா ஸ்வாமிகள், ஜெயேந்திர சரஸ்வதி சுவாமிகளின் பிருந்தாவனத்தில் சிறப்பு தீபாராதனை நடத்தினர்.

இரவு, தங்க தேரோட்டம் நடந்தது. அலங்கரிக்கப்பட்ட தங்கத்தேரில் எழுந்தருளிய ஆதிசங்கரர் ராஜவீதிகளில் பவனி வந்தார். வழிநெடுகிலும் பக்தர்கள் கற்பூர தீப ஆராதனை காண்பித்து வழிப்டடனர். உத்சவத்திற்கான ஏற்பாட்டை சங்கர மடத்தின் செயலர் செல்லா விஸ்வநாத சாஸ்திரி, மேலாளர் ந.சுந்தரேச ஐயர் ஆகியோர் செய்திருந்தனர்.