கும்பாபிஷேகத்தை ஒட்டி, நேற்று காலை காலை 9:30 மணிக்கு கணபதி அனுக்ஞை, கணபதி பூஜை, லஷ்மி பூஜை, கோ பூஜையும், மாலை 5:00 மணிக்கு ம்ருத்சங்கிரஹணம், வாஸ்து சாந்தி, பிரவேசபலி உள்ளிட்டவை நடந்தது.

இன்று காலை 8:00 மணிக்கு நவக்கிரஹ ஹோமம், தனபூஜை, சாஸ்த்ரா ஹோமம், யாகசாலை நிர்மானம் உள்ளிட்டவை நடக்கிறது. மாலை 5:00 மணிக்கு முதற்கால யாகசாலை பூஜை துவங்குகிறது.

நாளை காலை 8:00 மணிக்கு விசேஷ சாந்தி, இரண்டாம் கால யாகசாலை பூஜை, விசேஷ திரவ்ய ஹோமம் உள்ளிட்டவையும், மாலை 6:00 மணிக்கு மூன்றாம் கால யாகசாலை பூஜை நடக்கிறது.

நாளை மறுநாள் அதிகாலை 4:00 மணிக்கு நான்காம் கால யாகசாலை பூஜையும், காலை 4:55 மணிக்கு கலச புறப்பாடும், காலை 5:25 மணிக்கு மூலஸ்தானம் மற்றும் பரிவாரங்களுக்கு கும்பாபிஷேகம் நடக்கிறது. காலை 9:00 மணிக்கு மஹா அபிஷேகம் நடக்கிறது.