குறிப்பாக, சென்னைக்கு பணிக்காக செல்வோர், ஆயிரக்கணக்கானோர் இந்த ரயில் நிலையத்தை பயன்படுத்துகின்றனர். அவ்வாறு, அதிகாலை 5:30 மணிக்கு சென்னை செல்லும் ரயிலில் ஏற வரும் பயணியர், ரயில் நிலையத்தில் இருட்டில் நிற்க வேண்டியுள்ளது.

அதிகாலை 5:30 மணிக்கு, விடிவதற்கு முன்பாகவே, ரயில் நிலையத்தில் உள்ள மின் விளக்குகள் அணைக்கப்படுகின்றன. இதனால், ரயில் வரும் நேரத்தில், ரயில் நிலையம் முழுதும் கும்மிருட்டில் இருப்பது பயணியருக்கு அச்சத்தை ஏற்படுத்துகிறது.

ஏற்கனவே, கழிப்பறைகள் முறையாக திறந்து வைக்கப்படுவதில்லை. இந்நிலையில், விடிவதற்குள் மின் விளக்குகளை ரயில்வே துறை ஊழியர்கள் அணைக்கின்றனர். விடிந்த பின் 6:00 மணிக்கு மேல், மின்விளக்குகளை அணைக்க வேண்டும் என, பயணியர் கோரிக்கை விடுக்கின்றனர்.