இதையடுத்து மாநகராட்சி சார்பில், குழாய் உடைப்பை சீரமைக்க பள்ளம் தோண்டப்பட்டு, குழாய் உடைப்பு சீரமைக்கப்பட்டது. சீரமைப்பு பணி முடிந்தும், பள்ளம் மூடப்படவில்லை. இதனால், இவ்வழியாக கார், வேன் உள்ளிட்ட வாகனங்கள் சென்றுவர இயலாத நிலை உள்ளது.

மேலும், இரவு நேரத்தில் இவ்வழியாக செல்லும் சிறுவர்கள், வாகன ஓட்டிகள், மேய்ச்சலுக்காக செல்லும் ஆடு, மாடு உள்ளிட்ட கால்நடைகள், பள்ளத்தில் தேங்கியுள்ள மழைநீரில் தவறி விழுந்து விபத்தில் சிக்கும் சூழல் உள்ளது.

குழாய் உடைப்பு சீரமைத்த பின், அப்பகுதியில் உள்ள வீட்டு குழாய்களில், சேற்றுநீர் கலந்த குடிநீர் வருவதாக பகுதிவாசிகள் புகார் தெரிவிக்கின்றனர்.

எனவே, குடிநீரில் சேற்றுநீர் கலப்பதை தடுக்கவும், குழாய் உடைப்பு சீரமைப்பு பணிக்காக தோண்டப்பட்ட பள்ளத்தை மூடி, சாலையை முறையாக சீரமைக்கவும் மாநகராட்சி அதிகாரிகள் நடவடிக்கை எடுக்க வேண்டும் என, அப்பகுதியினர் வலியுறுத்தி உள்ளனர்.