இச்சாலை குறுக்கே, கம்பன் கால்வாய் கடந்து செல்கிறது. இந்த கால்வாயில், வடகிழக்கு பருவ மழை காலங்களில், வெள்ள நீர் பெருக்கெடுத்து ஓடும் போது, தைப்பாக்கம் - வதியூர் இடையே வாகன போக்குவரத்து தடைபடுகிறது.

தைப்பாக்கம், சாணார் பெண்டை கிராமத்தில் இருந்து, வதியூர், ஒழுக்கோல்பட்டு, கீழ் வெண்பாக்கம் ஆகிய பகுதிக்கு செல்வோர் திருப்புட்குழி, முட்டவாக்கம் வழியாக வதியூர் செல்ல வேண்டி உள்ளது.

இதனால், தைப்பாக்கம்சுற்றியுள்ள பல்வேறு கிராமத்திற்கு, 3 கி.மீ., துாரம் சுற்றி வர வேண்டி உள்ளது என, வாகன ஓட்டிகள் இடையே புலம்பல் ஏற்பட்டு உள்ளது.

எனவே, தைப்பாக்கம் - வதியூர் இடையே தாழ்வாக செல்லும் தரைப்பாலத்தின் மீது, உயர்மட்ட பாலம் கட்டித் தர வேண்டும் என, கோரிக்கை எழுந்துள்ளது.