இந்த கால்வாயையொட்டி ரியல் எஸ்டேட் நிறுவனத்தினர் வீட்டுமனை பிரிவுகள் அமைத்து வருகின்றனர். இந்த மனைப்பிரிவுகளில் இருந்து, பிரதான சாலைக்கு செல்ல பாதை இல்லாமல் இருந்தது.

இதனால், ரியல் எஸ்டேட் நிறுவனத்தினர் சில தினங்களுக்கு முன், கால்வாய் மீது அனுமதியின்றி பாதை அமைக்கும் பணியில் ஈடுபட்டனர். இது குறித்து நமது நாளிதழில் செய்தி வெளியானது.

இதன் எதிரொலியாக கால்வாயில் புதைக்கப்பட்டிருந்த, ராட்சத பைப்களை நீர்வளத் துறையினர் நேற்று அகற்றினர். இது குறித்து உத்திரமேரூர் நீர்வளத் துறை உதவி பொறியாளர் கண்ணன் கூறியதாவது:

நீர்ப்பாசன கால்வாய்களின் மீது பாதை அமைப்போர், முறையாக அனுமதி பெறவேண்டும். அனுமதி பெற்றவுடன் ராட்சத பைப்களை கொண்டு பாதை அமைப்பதை தவிர்த்து, சிமென்ட் கான்கிரீட் பாலம் அமைக்க வேண்டும். அவ்வாறு அமைக்காமல் விதிமுறைகளை மீறி பாலம் அமைத்தால், சட்டரீதியான நடவடிக்கை எடுக்கப்படும்.

இவ்வாறு அவர் கூறினார்