வாலாஜாபாதில் அருள் தரும் அய்யப்பன் கோவில் உள்ளது. இக்கோவிலில், ஆண்டுதோறும் கார்த்திகை மாதம் மலர் பூஜை விழா மற்றும் அன்ன தானம் பூஜை நடப்பது வழக்கம்.

அதன்படி, இந்த ஆண்டுக்கான விழா நேற்று முன்தினம் காலை 6:00 மணிக்கு, கணபதி ஹோமத்துடன் துவங்கியது. அதை தொடர்ந்து, 7:00 மணிக்கு அன்ன தானம் அளிக்கப்பட்டது.

காலை 10:00 மணிக்கு, நெய் அபிஷேகம் மற்றும் மகா அபிஷேகமும், 12:00 மணிக்கு பகல் அன்னதானம் வழங்கப்பட்டது. மாலை 6:00 மணிக்கு, சிறப்பு அலங்கார பூஜை நடந்தது.

அப்போது, மலர் அலங்காரத்தில் எழுந்தருளியஅய்யப்பன், முக்கிய வீதிகளில் உலா வந்தார்.தொடர்ந்து, இரவு 8:00 மணிக்கு, பஜனை பாடல்கள் மற்றும் மகா ஜோதி நிகழ்ச்சி நடந்தது.இதில், அய்யப்பன்பக்தர்கள் ஏராளமானோர் பங்கேற்றனர்.

உத்திரமேரூர் இரட்டை தாலீஸ்வரர் கோவில் வளாகத்தில், அய்யப்பன் சன்னிதி உள்ளது.

இங்கு, உத்திரமேரூர் அய்யப்பா சேவா சங்கம் சார்பில், 19-ம் ஆண்டு திருவிளக்கு பூஜை நேற்று காலை நடந்தது.முன்னதாக, மூலவருக்கு நெய், பால், இளநீர்,சந்தனம், பஞ்சாமிர்தம் ஆகியவற்றால் சிறப்புஅபிஷேகம் செய்யப்பட்டது.

தொடர்ந்து, பக்தர்கள்பஜனை பாடல்கள்பாடியவாறு, திருவிளக்கு ஏற்றி வழிபாடு செய்தனர்.