இதற்கான பணி துவங்கி, ஆறு மாதங்களுக்கு முன் நிறைவு பெற்றது. எனினும், பயன்பாட்டுக்கு வராமல் கழிப்பறை கட்டடம் வீணாகி வந்தது. இதனால், அப்பள்ளி மாணவ - மாணவியர் பள்ளியின் விளையாட்டு மைதானம் அருகே திறந்தவெளியில் சிறுநீர் கழிக்கும் நிலை இருந்து வந்தது.

எனவே, புதிய கழிப்பறை கட்டடத்தை பயன்பாட்டிற்கு கொண்டு வர மாணவர்கள், பெற்றோர் வலியுறுத்தி வந்தனர்.

இதுகுறித்த செய்தி, கடந்த 26ம் தேதி நம் நாளிதழில் வெளியானது. அதையடுத்து, உத்திரமேரூர் பி.டி.ஒ., லோகநாதன் முன்னிலையில், நேற்று முன்தினம் மாணவர்களுக்கான கழிப்பறை கட்டடம் திறந்து பயன்பாட்டிற்கு விடப்பட்டது.