காஞ்சிபுரம் ஆலடி பிள்ளையார்கோவில் தெருவில் உள்ள பாலதர்ம சாஸ்தா கோவிலில், 8ம் ஆண்டு பிரதிஷ்டை தினம், திருக்கல்யாண உத்சவம் நேற்று முன்தினம் கொடியேற்றத்துடன் துவங்கியது.

இரண்டாம் நாள் உத்சவமான நேற்று, காலை 8:30 மணிக்கு பாலதர்ம சாஸ்தாவிற்கு சிறப்பு அபிஷேக அலங்காரம் நடந்தது. காலை 10:45 மணிக்கு புதிதாக செய்யப்பட்ட வள்ளி, தெய்வானை, முருகன் ஐம்பொன் சிலைகள் கரிகோல ஊர்வலம் முக்கிய வீதி வழியாக நடந்தது. இரவு 7:00 மணிக்கு ஸ்ரீதேவி, பூதேவி சமேத ஸ்ரீநிவாச பெருமாள் திருக்கல்யாண உத்சவமும், தொடர்ந்து வீதியுலாவும் நடந்தது.