காஞ்சிபுரம் அடுத்த, கூரம் கிராமத்தில், தாமரை விநாயகர் கோவில் உள்ளது. இக்கோவிலை பெரிய அளவில் கட்ட கிராமத்தினர் முடிவு செய்தனர். அதன்படி, பல்வேறு திருப்பணிகளுடன் கோவில் கட்டுமானப் பணி சமீபத்தில் முடிந்தது.

கும்பாபிஷேகத்தையொட்டி நேற்று முன்தினம், காலை 9:30 மணிக்கு கிராம தேவதை வழிபாடு, விக்னேஸ்வர பூஜை மற்றும் பல்வேறு ஹோமங்கள் நடந்தன.

நேற்று, காலை 10:45 மணிக்கு, கோவில் ராஜகோபுர கலசத்திற்கும், தொடர்ந்து மூலவருக்கும் புனிதநீர் ஊற்றி கும்பாபிஷேகம் நடத்தப்பட்டது.