காஞ்சிபுரம் காவலான்கேட் அறம்வளத்தீஸ்வரர் கோவில் சின்ன தெருவில், சக்தி விநாயகர் கோவில் உள்ளது. இக்கோவில் கும்பாபிஷேகத்தையொட்டி பல்வேறு திருப்பணிகள் சமீபத்தில் செய்து முடிக்கப்பட்டன.

வரும் 28ம் தேதி, காலை 8:30 மணிக்கு, திருஞான கதிர்வேல் சுப்பிரமணியன் ஓதுவா மூர்த்திகள் குழுவினரின் திருமுறை பாராயணம் நடைபெறுகிறது. இரவு 9:00 மணிக்கு மாஸ்டர் கிருஷ்ணா புதிய குழுவினரின் பக்தி கிராமிய நடன கலை நிகழ்ச்சி நடக்கிறது. வரும் 29ம் தேதி இரவு 7:00 மணிக்கு ஆதியின் விமலாசத்யா குழுவினரின் பரதநாட்டிய நிகழ்ச்சி நடக்கிறது.

வரும் 30ம் தேதி, காலை 8:30 மணிக்கு, கோவில் கோபுர விமான கலசத்திற்கு புனிதநீர் ஊற்றி, மகா கும்பாபிஷேகம் நடத்தி வைக்கப்படுகிறது. மாலை 6:00 மணிக்கு காஞ்சிபுரம் பம்பை, உடுக்கை, காவடி கைச்சிலம்பாட்ட கலைஞர்கள் சங்கம் சார்பில், கைச்சிலம்பாட்ட கலை நிகழ்ச்சி நடக்கிறது.