காஞ்சிபுரம் அடுத்த, புரிசை கிராமத்தில், புதிதாக தர்மசாஸ்தா கோவில் கட்டி முடிக்கப்பட்டுள்ளது. இங்கு, கடந்த அக்டோபர் மாதம் கும்பாபிஷேக விழா நடந்தது.

தினசரி மண்டல பூஜைகள் நடந்து வந்தன. மண்டலாபிஷேகத்தின் நிறைவு நாளான நேற்று, காலை 11:00 மணியளவில், கணபதி ஹோமம் மற்றும் கலசாபிஷேகம் நடந்தது. அதை தொடர்ந்து, உற்சவர் தர்மசாஸ்தாவிற்கு கலச நீர் ஊற்றி, மண்டலாபிஷேகம் நிறைவு செய்தனர். நிகழ்வில் ஏராளமான பக்தர்கள் பங்கேற்றனர்.