ஓரிக்கை உயர்மட்டபாலம் வழியாக 'எம்.சாண்ட்' மணல் ஏற்றிச் சென்ற லாரிகளில் இருந்து சிதறிய மணல், மேம்பாலத்தின் சாலையின் இரு ஓரங்களிலும் குவியலாக உள்ளது.

இதனால், உயர்மட்ட பாலத்தின் சாலை வழியாக செல்லும் இருசக்கர வாகன ஓட்டிகள், கனரக வாகனத்திற்கு வழிவிட சாலையோரம் ஒதுங்கும்போது, மணல் குவியலால் நிலைதடுமாறி தவறி விழுந்து விபத்தில் சிக்குகின்றனர்.

எனவே, ஓரிக்கை பாலாறு உயர்மட்ட பாலத்தில் சாலையோரம் போக்குவரத்துக்கு இடையூறாக உள்ள எம்.சாண்ட் மணல் குவியலை அகற்ற, நெடுஞ்சாலைத் துறையினர் நடவடிக்கை எடுக்க வேண்டும் என, வாகன ஓட்டிகள் வலியுறுத்தி உள்ளனர்.