உத்சவத்தையொட்டி உபயநாச்சியாருடன் காஞ்சிபுரம் வரதராஜ பெருமாள் நேற்று இரவு, மேனா பெட்டியில் எழுந்தருளி அய்யங்கார்குளம் கிராமத்திற்கு புறப்பட்டார்.

இன்று, காலை 6:00 மணிக்கு புஞ்சையரசந்தாங்கலில் மண்டகப்படி நடக்கிறது.

துாசி வைகுண்டநாதர் கோவிலில் 12:00 மணியளவில் சுவாமிக்கு மரியாதை நிகழ்ந்ததும், அங்கிருந்து மதியம் 1:30 மணிக்கு புறப்பாடாகி, மாலை 4:00 மணியளவில் அய்யங்கார்குளம் கிராமத்தில் வீதியுலா சென்று, இரவு 7:00 மணியளவில், சஞ்சீவிராயர் கோவிலில் எழுந்தருளும் வரதராஜ பெருமாளுக்கு திருமஞ்சனம் நடக்கிறது.

இரவு 9:00 மணியளவில் சஞ்சீவிராயர் கோவிலில் இருந்து, நடவாவி கிணற்றுக்கு செல்கிறார். கிணற்றில், பத்தி உலாத்தல், பூஜைகள் நடைபெற்றபின், கிணற்றில் இருந்து எழுந்தருளி புஞ்சையரசந்தாங்கல் வழியாக பாலாற்று பந்தலில், இரவு 10:00 மணிக்கு எழுந்தருள்கிறார்.

அங்கு பெருமாளுக்கு திருமஞ்சனம், பிரம்மாராதமன், நிவேதனம், பூஜைகளுக்குப் பின், பாலாற்றில் குழுமியிருக்கும் ஆயிரக்கணக்கான பக்தர்களுக்கு தரிசனம் அளிக்கிறார்.