ஸ்ரீபெரும்புதுார் மின் வாரிய கோட்டம், வல்லக்கோட்டை மின் வாரிய அலுவலகத்தில் இருந்து, நிர்வாக காரணங்கள் மற்றும் மின் நுகர்வோர் வசதிக்காகவும், பண்ருட்டி மின் வாரிய உதவி பொறியாளர் இயக்குதல் மற்றும் பராமரித்தல் அலுவலகம் புதிதாக உருவாக்கப்பட்டுள்ளது.

பண்ருட்டி புதிய பிரிவு அலுவலகத்திற்கு குறியீட்டு எண்: 596 ஒதுக்கப்பட்டுள்ளது. பண்ருட்டி உதவி பொறியாளர் அலுவலகத்தின் கீழ், பண்ருட்டி, வெண்பாக்கம், குன்னவாக்கம், ஏலக்காமங்கலம், மேட்டுப்பாளையம் உள்ளிட்ட பகுதிகள் அடங்கும்.

இதற்கு, வல்லக்கோட்டை உதவி பொறியாளர் அலுவலகத்திலேயே, தற்காலிக அலுவலகம் செயல்படும்.

மேற்கண்ட பகுதிகளில் உள்ள மின் நுகர்வோர் அந்த அலுவலகத்தை நேரிலோ அல்லது தொலைபேசி மூலமாகவோ, வாட்ஸாப் மூலமாகவோ தொடர்பு கொண்டு, தங்களின் புதிய மின் இணைப்பு எண் விபரங்களை அறிந்து கொள்ளலாம்.

மேலும், இம்மாத இறுதிக்குள், பண்ருட்டி பகுதியில், புதிய உதவி பொறியாளர் அலுவலகம் திறக்கப்பட உள்ளதாக, மின் வாரிய அதிகாரிகள் தெரிவித்தனர்.

தற்காலிக மொபைல் போன் எண்கள்: 80983 07394, 94451 01648.