வாகன போக்குவரத்தும், மக்கள் நடமாட்டமும் அதிகம் நிறைந்த இச்சாலைகளில், குடிநீர் குழாயில் உடைப்பு ஏற்பட்ட பகுதியில், மாநகராட்சி நிர்வாகத்தினர் கடந்த மாதம் பள்ளம் தோண்டி, குடிநீர் குழாய் உடைப்பை சீரமைத்தனர். இருப்பினும், பள்ளம் தோண்டிய இடத்தில் முறையாக தார் ஊற்றி சீரமைக்கவில்லை.

இதனால், சாலை சேதமடைந்த பகுதியில், வாகன போக்குவரத்துக்கு இடையூறு ஏற்பட்டது. இருசக்கர வாகன ஓட்டிகள் சிரமத்திற்கு ஆளாகினர். இதனால், சேதமடைந்த சாலையை தார் ஊற்றி சீரமைக்க, மாநகராட்சி நிர்வாகம் நடவடிக்கை எடுக்க வேண்டும் என, வாகன ஓட்டிகள் வலியுறுத்தினர்.

இந்நிலையில், குடிநீர் குழாய் சீரமைப்புக்காக, மாநகராட்சி ஊழியர்கள் சேதப்படுத்திய காந்தி சாலை மற்றும் சாலை தெருவில் சேதமடைந்த பகுதியை நெடுஞ்சாலைத்துறையினர் நேற்று தார் ஊற்றி சீரமைத்தனர்.