இந்த கழிப்பறையில் இருந்து வெளியேறும் கழிவுநீரை சேகரிக்க, அப்பகுதியில் கழிவுநீர் தொட்டி அமைக்கப்பட்டது. தற்போது, கழிவுநீர் தொட்டி பராமரிப்பு இல்லாமல், ஒரு பகுதி சிலாப் இன்றி திறந்த நிலையில் உள்ளது.

இதனால், அருகிலுள்ள அங்கன்வாடி மையத்தில் படிக்கும் குழந்தைகள், அடிக்கடி கழிவுநீர் தொட்டியின் அருகே விளையாடி வருகின்றனர். அவ்வாறு விளையாடும்போது குழந்தைகள் எதிர்பாராதவிதமாக திறந்த நிலையில் உள்ள கழிவுநீர் தொட்டியில் விழுந்து விபத்து ஏற்பட வாய்ப்பு உள்ளது.

எனவே, திறந்த நிலையில் உள்ள கழிவுநீர் தொட்டியை சீரமைக்க, ஊராட்சி நிர்வாகம் நடவடிக்கை எடுக்க, பெற்றோர் கோரிக்கை விடுத்து உள்ளனர்.