இதில், 200க்கும் மேற்பட்ட பள்ளி மாணவர்கள் பங்கேற்று, சாலை பாதுகாப்பு விழிப்புணர்வு பேரணியில் பங்கேற்றனர். இதை தொடர்ந்து, ஓட்டுனர் தினத்தை முன்னிட்டு, காஞ்சிபுரம் போக்குவரத்து கழக பணிமனைகளில் பணிபுரியும் ஓட்டுநர்களுக்கு சால்வை, இனிப்புகள் மற்றும் பூ கொடுத்து கவுரவித்தனர்.

இந்த பேரணி முக்கிய வீதிகள் வழியாக பச்சையப்பன் பள்ளியை அடைந்தனர். விபத்தில்லா பயணம் மேற்கொள்ளவும், விதிகளை கடைப்பிடிக்கவும் முழங்கங்கள் எழுப்பியபடி பதாகைகள் ஏந்தி ஊர்வலமாக சென்றனர்.

இதில், போக்குவரத்து துறை முதன்மை மேலாளர் தட்சிணாமூர்த்தி, காஞ்சிபுரம் நெடுஞ்சாலைத்துறை கோட்ட பொறியாளர் முரளிதரன், வட்டார போக்குவரத்து அலுவலர் (பொ) பன்னீர் செல்வம், நெடுஞ்சாலை துறை உதவி செயற்பொறியாளர் இளங்கோ மற்றும் போக்குவரத்து ஓட்டுனர்கள் பங்கேற்றனர்.