காஞ்சிபுரம் மற்றும் சுற்றியுள்ள கிராமத்தினர் மட்டுமின்றி மாவட்டத்தை ஒட்டியுள்ள திருவண்ணாமலை, ராணிப்பேட்டை உள்ளிட்ட மாவட்டங்களைச் சேர்ந்தவர்கள் என, தினமும், 3,000க்கும் மேற்பட்டோர் வந்து செல்கின்றனர்.

மருத்துவமனை வளாகத்தில் குழந்தைகளுக்கான உள்நோயாளி பகுதி வார்டு எண்.36ல் இயங்கி வருகிறது. இந்த கட்டடத்தின் நுழைவாயில் வாசற்படியின் மேல்பகுதியில் கான்கிரீட் பெயர்ந்து, கம்பிகள் வெளியே தெரியும் நிலையில், ஆபத்தை ஏற்படுத்தும் வகையில் உள்ளது. இதனால், வாசற்படிக்கும் மேல்புற சுவருக்கும் இடையே இடைவெளி ஏற்பட்டுள்ளது.

மேலும், அருகில் உள்ள போர்டிகோ கூரையிலும் விரிசல் ஏற்பட்டு கான்கிரீட் பெயர்ந்து விழும் நிலையில் உள்ளது. இதனால், சிகிச்சைக்காக குழந்தைகளை அழைத்து செல்வோர், போர்டிகோவில் உதிர்ந்த நிலையில் உள்ள கான்கிரீட் பெயர்ந்து, யார் தலையில் விழுமோ என்ற அச்சத்துடன் சென்று வருகின்றனர்.

எனவே, குழந்தைகள் உள்நோயாளிகளுக்கான வார்டு கட்டடத்தின் வாசற்கதவின் மேல் பகுதியில் கானகிரீட் பெயர்ந்து விழுந்த பகுதியையையும், போர்டிகோவில் உதிர்ந்து விழும் நிலையில் உள்ள கான்கிரீட்டை அகற்றி போர்டிகோவை முழுமையாக சீரமைக்க, மருத்துவமனை நிர்வாகம் நடவடிக்கை எடுக்க வேண்டும் என, கோரிக்கை எழுந்துள்ளது.