உத்திரமேரூரில், டாக்டர் எம்.ஜி.ஆர்., அரசு கலை மற்றும் அறிவியல் கல்லுாரி செயல்பட்டு வருகிறது. இக்கல்லுாரியில், சுற்றுவட்டார பகுதிகளைச் சேர்ந்த 1,200 மாணவ - - மாணவியர் படித்து வருகின்றனர்.

இங்குள்ள, மாணவ - மாணவியரின் விளையாட்டு திறனை மேம் படுத்த, கல்லுாரி நிர்வாகத்தின் சார்பில், விளையாட்டு மைதானம் உருவாக்கப்பட்டது.

அதில், மாணவ - மாணவியருக்கு பல்வேறு விளையாட்டு போட்டிகள் நடத்தப்பட்டு, வெளியூர்களுக்கு செல்வதற்கான பயிற்சிகள் அளிக்கப்பட்டு வந்தன.

தற்போது, விளையாட்டு மைதானம் முறையாக பராமரிப்பு இல்லாமல் செடி, கொடிகள் வளர்ந்து உள்ளன. இதனால் விளையாட்டு பயிற்சி மேற்கொள்ள முடியாமல் மாணவ - மாணவியர் தவிக்கின்றனர்.

மேலும், கல்லுாரி அளவிலும், மாவட்ட அளவிலும் போட்டிகளை நடத்த முடியாத சூழலும் உள்ளது.

எனவே, உத்திரமேரூர் அரசு கல்லுாரியில் உள்ள விளையாட்டு மைதானத்தை சீரமைக்க, உயர்கல்வித் துறையினர் நடவடிக்கை எடுக்க, மாணவ - மாணவியர் வலியுறுத்தி வருகின்றனர்.