காஞ்சிபுரம் மாநகராட்சி, செவிலிமேடு, எம்பெருமான் கோவில் தெருவில் உள்ள அங்காள பரமேஸ்வரி, பத்ரகாளியம்மன் கோவிலில் ஆண்டுதோறும் ஆடி திருவிழா விமரிசையாக நடத்தப்பட்டு வருகிறது.

அதன்படி நடப்பு ஆண்டுக்கான விழா, வரும் 17ம் தேதி, காலை 7:30 மணிக்கு வேள்வி பூஜையுடன் துவங்குகிறது. தொடர்ந்து காலை 8:30 மணிக்கு அம்மனுக்கு சிறப்பு அபிஷேகமும், காலை 11:00 மணிக்கு கூழ்வார்த்தலும் நடத்தப்படுகிறது.

மாலை 6:00 மணிக்கு காப்பு கட்டி விரதம் இருக்கும் பக்தர்கள், முத்துமாரியமமன் கோவிலில் இருந்து அக்னி சட்டி எடுக்கும் நிகழ்வு நடக்கிறது.

இரவு 8:00 மணிக்கு கும்பம் படையலும், 9:00 மணிக்கு அம்மனுக்கு ஊஞ்சல் சேவை உத்சவமும், இரவு 10:00 மணிக்கு பட்டறை பெரும்புதுார் பொன்னியம்மன் நாடகம் மன்றத்தினரின் நாடகமும் நடக்கிறது.