இப்பள்ளி மாணவர்களின் வசதிக்காக, கூடுதல் கழிப்பறை கட்ட வேண்டும் என, கோரிக்கை எழுந்தது. நபார்டு வங்கி திட்டத்தின் கீழ், 6.77 லட்சம் ரூபாயில், 2022 டிச.,ல் பள்ளி வளாகத்தில் கூடுதல் கழிப்பறை மற்றும் சிறுநீர் கழிப்பறை கட்டடம் கட்டப்பட்டது.

பணி முடிந்து இரு ஆண்டுக்கு மேலாகியும், கழிப்பறை கட்டடம் திறக்கப்பட்டு, பள்ளி நிர்வாகத்திடம் முறைப்படி ஒப்படைக்கப்படவில்லை. சிறுநீர் கழிப்பறை கட்டடத்திற்கு கதவும், சுற்றுச்சுவரும் இல்லாததால், விடுமுறை நாட்களில் பள்ளி வளாகத்தில் நுழையும் சமூக விரோதிகள், சிறுநீர் கழிக்கும் பீங்கானில் இணைக்கப்பட்டிருந்த தண்ணீர் குழாய்களை துண்டித்துள்ளனர்.

இதனால், லட்சக்கணக்கான ரூபாய் செலவில் கட்டப்பட்ட கழிப்பறை கட்டடம் பயன்பாட்டிற்கு வராமலேயே வீணாகி வருகிறது.

எனவே, புதிதாக கட்டப்பட்ட கழிப்பறை கட்டடத்திற்கு பள்ளியுடன் இணைத்து சுற்றுச்சுவர் அமைத்து, இரு ஆண்டுகளாக வீணாகும் கழிப்பறையை மாணவர்களின் பயன்பாட்டிற்கு கொண்டுவர மாவட்ட நிர்வாகம் நடவடிக்கை எடுக்க வேண்டும் என, கோரிக்கை எழுந்துள்ளது.