இந்த நிலையில், சில நாட்களாக இரவு நேரங்களில் பெய்த மழையினால், ஸ்ரீபெரும்புதுார் தாலுகா அலுவலக நுழைவாயில், மழைநீர் குட்டை போல உள்ளது.

இப்பகுதியில் மழைநீர் வடிய வழியில்லாததால், இரண்டு வாரத்திற்கு மேலாக தேங்கியுள்ள மழைநீரால், தாலுகா அலுவலகத்திற்கு வருவோர் அவதி அடைந்து வருகின்றனர்.

மேலும், மழைநீர் பல நாட்களாக தேங்கி நிற்பதால், அப்பகுதியல் சுகாதாகர சீர்கேடு ஏற்பட வாய்ப்பு உள்ளது.

எனவே, தாலுகா அலுவலக வளாக நுழைவாயிலில் தேங்கியுள்ள மழைநீரை அகற்றி, இனி வரும் காலங்களில் மழைநீர் தேங்காதவாறு கால்வாய் அமைக்க நடவடிக்கை வேண்டும் என, சமூக ஆர்வலர்கள் வேண்டுகோள் விடுத்துள்ளனர்.