கடந்த டிசம்பர் மாதம் 25ம் தேதி, விக்னேஷுடன், சிறுமி கோவிலுக்கு செல்வதாக கூறி காஞ்சிபுரம் வந்துள்ளார். தன் நண்பர் தனுஷ், 22, என்பவரது வீட்டிற்கு அழைத்து சென்றுள்ளார்.

அங்கு, விக்னேஷ் மற்றும் தனுஷ் ஆகிய இருவரும், சிறுமியை கட்டாயப்படுத்தி பாலியல் வன்கொடுமை செய்ததாக, காஞ்சிபுரம் மகளிர் காவல் நிலையத்தில், சிறுமியின் தாய் புகார் அளித்தார். போக்சோவில் நேற்று இருவரையும் போலீசார் கைது செய்தனர்.

அதேபோல், காஞ்சி புரம் - வந்தவாசி சாலையில் உள்ள கிராமத்தைச் சேர்ந்த 15 வயது சிறுமி, கடந்த 4ம் தேதி, கடைக்கு செல்வதாக கூறி சென்றவர் மாயமானார்.

சிறுமியின் தந்தை அளித்த புகாரின்படி, காஞ்சி தாலுகா போலீசார் விசாரித்து வந்தனர்.

விசாரணையில், வேலுார் மாவட்டம், அலமேலுமங்காபுரம் பகுதியைச்சேர்ந்த ராஜேஷ், 22, என்பவர் சிறுமியை அழைத்து சென்று, பாலியல் வன்கொடுமை செய்தது தெரியவந்தது. போக்சோ வழக்குப்பதிவு செய்த போலீசார், ராஜேஷை கைதுசெய்தனர்.