இப்பள்ளி வளாகத்திற்கு இதுவரை சுற்றுசுவர் வசதி ஏற்படுத்தாமல் உள்ளது.

இதனால், மாணவ, மாணவியர் விளையாட்டு நேரங்களில், பள்ளி வளாகத்தையொட்டி உள்ள சாலையை பயன்படுத்தும் நிலை உள்ளது.

மேலும், பள்ளி விடுமுறை மற்றும் இரவு நேரங்களில், பள்ளி வளாகம் சமூக விரோதிகளின் கூடாரமாகி வருகிறது.

பள்ளி வளாகத்தில் பராமரிக்க முயலும் மர கன்றுகள் போன்றவையும் சுற்றுசுவர் இல்லாததால், அப்பகுதி கால்நடைகளுக்கு இரையாகிறது.

எனவே, உள்ளாவூர் அரசு உயர்நிலைப் பள்ளிக்கு சுற்றுசுவர் வசதி ஏற்படுத்த சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும் என, அப்பகுதி வாசிகள் கோரிக்கை விடுத்துள்ளனர்.