தொடர்ந்து, பிரம்மோத்சவம் நடக்கும் பத்து நாட்களிலும், பெருமாளுக்கு காலை, மாலை சிறப்பு அபிஷேகம் செய்யப்பட்டு வருகிறது. பின், ஒவ்வொரு நாளும் பெருமாள் பல்வேறு வாகனங்களில் விதியுலா வந்து, பக்தர்களுக்கு அருள்பாலித்து வருகிறார்.

அதன்படி, பிரம்மோத்சவத்தின் இரண்டாம் நாளான, நேற்று முன்தினம், காலை 8:00 மணிக்கு பெருமாள் பவழக்கால் சப்பரத்தில் வீதியுலா வந்தார். தொடர்ந்து, இரவு 7:00 மணிக்கு பெருமாள் சிறப்பு அலங்காரம் செய்யப்பட்டு, சிம்ம வாகனத்தில் வீதியுலா வந்தார்.

அதை தொடர்ந்து, நேற்று, காலை 8:00 மணிக்கு பெருமாள் சிறப்பு அலங்காரத்துடன் ஹம்ச வாகனத்தில் வீதியுலா வந்தார். இதில், திரளாக பக்தர்கள் பங்கேற்று சுவாமியை தரிசனம் செய்தனர்.

இந்த பிரம்மோத்சவத்தின் முக்கிய நிகழ்வாக இன்று, காலை 4:00 மணிக்கு கருட சேவையும், வரும் 10ம் தேதி, காலை 6:00 மணிக்கு திருத்தேர் உத்சவமும் நடக்க உள்ளது.