இங்கு, ஆண்டுதோறும் ஆடி மாதம் 2வது வாரம் ஆடித்திருவிழா கொண்டாடப்படுகிறது. இந்தாண்டு, 52வது ஆண்டு ஆடித்திருவிழா நடந்தது. காலை 6 மணிக்கு, மூலவர் அம்மனுக்கு, 108 சங்காபிஷேகம் நடத்தப்பட்டது.காலை 10 மணிக்கு, 108 பால்குட அபிஷேகம் நடந்தது. மாலை 3 மணிக்கு, புலவர் ஜெயமூர்த்தி திரவுபதி திருமணம் ஆன்மிக சொற்பொழிவும், இரவு, கேரள ஷேத்திர கலாவின் சிங்காரி மேளத்துடன் அம்மன் வீதியுலா வாணவேடிக்கை முழங்க, ஆடித்திருவிழா கோலாகலமாக நடந்தது. ஆயிரக்கணக்கான பக்தர்கள் கலந்து கொண்டு அம்மனை வழிபட்டனர்.