இதில், வையாவூர் கிராமத்தில், குரங்குகளின் தொல்லை அதிகரித்துள்ளன. அவை, தோட்டப்பயிர்களை நாசம் செய்வதுடன், பொது மக்கள் எடுத்துச்செல்லும் பொருட்களை பறித்து செல்வதால், கிராமத்து மக்களிடையே அச்சத்தை ஏற்படுத்தியுள்ளது.

இதுதவிர, வையாவூர்-ராஜகுளம் செல்லும் சாலையில், குரங்குகள் தாந்தோன்றி தனமாக சுற்றித்திரிவதால், வாகன ஓட்டிகள் மிகுந்த அச்சத்துடன் பயணிக்க வேண்டிய நிலை உள்ளது.

எனவே, வையாவூர் கிராம பகுதியில் சுற்றித்திரியும் குரங்குகளை, வனத்துறையினர் பிடிக்க நடவடிக்கை எடுக்க வேண்டும் என, மக்களிடையே கோரிக்கை எழுந்துள்ளது.