நாகர்கோவில்: கன்னியாகுமரி மாவட்டம் நாகர்கோவில் வைத்தியநாதபுரம் வடலிவிளையை சேர்ந்தவர் வேல் 42. திருமணம் ஆகவில்லை. இவர் பாரதி நகர் பகுதியில் மளிகை கடை நடத்தினார். நேற்று முன்தினம் இரவு 11:00 மணிக்கு கடையை பூட்டிவிட்டு வீட்டுக்கு திரும்பிக் கொண்டிருந்தார். வழியில் பதுங்கி இருந்த சிலர் இவரை கல்லால் எறிந்து கீழே விழச்செய்து தலையில் மற்றொரு சிமென்ட் கல்லை போட்டு கொலை செய்தனர். தொடர்ந்து மண்ணெண்ணெய் ஊற்றி உடலுக்கு தீ வைத்து எரித்தனர்.