இதனால், பள்ளப்பட்டி நகருக்குள் நுழையும்போதே கடும் துர்நாற்றம் வீசியது. நோய்தொற்று ஏற்படும் அபாயம் ஏற்பட்டது. மேலும், இறைச்சிக்கழிவுகளால், நங்காஞ்சி ஆறு மாசடைந்து வருவதாக, நீண்ட காலமாக பொதுமக்கள் புகார் தெரிவித்து வந்தனர்.

இந்நிலையில், நகராட்சி நிர்வாகம் வெளியிட்ட செய்திக்குறிப்பு:இறைச்சி கழிவுகளை தெருவோரம், கழிவுநீர் கால்வாய், நங்காஞ்சி ஆறு அல்லது பாலத்தின் அருகில் கொட்டப்படுவது சட்டப்படி குற்றம். மீறி கொட்டினால், கொட்டப்படும் கடை உரிமையாளர் மீது கடும் நடவடிக்கை எடுத்து அபராதம் விதிக்கப்படும்.

மேலும், நகராட்சி நிர்வாகம் சார்பில், இறைச்சி கடை முன் வந்து நிற்கும் நகராட்சி வாகனங்களிலேயே இறைச்சி கழிவுகளை கொட்ட வேண்டும்.

இவ்வாறு அதில் தெரிவிக்கப்பட்டுள்ளது.