ஆடு, கோழிகள் விற்பனை

கிருஷ்ணராயபுரம், ஆக. 25-

சந்தையூர் வாரச் சந்தையில் ஆடு, கோழிகள் விற்பனை தீவிரமாக நடந்தது.

கிருஷ்ணராயபுரம் அடுத்த, சிவாயம் பஞ்சாயத்து இரும்பூதிப்பட்டி சந்தையூர் வாரச்சந்தையில் ஆடு, கோழி, காய்கறிகள் ஆகியவை விற்பனை செய்யப்படுகிறது. காலை நேரத்தில் ஆடு, கோழிகளை விற்பனை செய்ய, கிராமங்களில் இருந்து விவசாயிகள் கொண்டு வந்து விற்று வருகின்றனர். எட்டு கிலோ எடை கொண்ட ஆடு ஒன்று, 6,500 ரூபாய்க்கு விற்கப்பட்டது.

நாட்டுக்கோழி வரத்து சரிவு காரணமாக விலை கிலோ, 430 ரூபாய்க்கு விற்கப்பட்டது. ஆடு, கோழிகளை வாங்க பஞ்சப்பட்டி, குளித்தலை, தோகைமலை, லாலாப்பேட்டை, கரூர் பகுதி வியாபாரிகள் வந்தனர்.