திருப்பூர் மாவட்டம், உடுமலைப்பேட்டை அமராவதி அணையில் இருந்து, கடந்த, 18 முதல் ஆற்றில் தண்ணீர் திறக்கப்-பட்டுள்ளது. அதிகபட்சமாக வினாடிக்கு, 4,500 கன அடி தண்ணீர் திறக்கப்பட்டது. நேற்று முன்தினம் வரத்து குறைவால் வினாடிக்கு, 1,100 கன அடி தண்ணீர் திறக்கப்பட்டது. நேற்று காலை, 6:00 மணி நிலவரப்படி அமராவதி அணையில் இருந்து ஆற்றில் திறக்கப்பட்ட தண்ணீரின் அளவு வினாடிக்கு, 875 கன அடியாக குறைக்கப்பட்டது. இந்நிலையில், நேற்று அதிகாலை கரூர் அருகே உள்ள, செட்டிப்பாளையம் அணைக்கு தண்ணீர் வந்-தடைந்தது. அங்கிருந்து ஷட்டர்கள் மூலம் வெளியேறிய தண்ணீர், பெரிய ஆண்டாங்கோவில் தடுப்பணையை தாண்டி, நேற்று மதியம் கரூர் லைட் ஹவுஸ் கார்னர் பகுதிக்கு வந்தது. அப்போது, அமராவதி ஆற்றின் புதிய பாலத்தில் பொதுமக்கள் நின்றுகொண்டு, ஆற்றில் தண்ணீர் செல்வதை மகிழ்ச்சியுடன் பார்த்து ரசித்தனர்.