கரூர் மாவட்டத்தில் எட்டு ஊராட்சி ஒன்றியங்களில், 751 அரசு மற்றும் அரசு நிதி உதவி தொடக்க, நடுநிலைப் பள்ளிகள் செயல்-பட்டு வருகிறது.எல்.கே.ஜி., முதல் எட்டாம் வகுப்பு வரை, 38 ஆயிரத்து, 812 மாணவ, மாணவியர் படித்து வருகின்றனர். இதில், 73 பள்ளி-களில் ஒற்றை இலக்கத்தில் மாணவர்கள் எண்ணிக்கை என்ற பரி-தாப நிலையில் உள்ளது. க.பரமத்தி ஊராட்சி ஒன்றியத்தில் நெடுங்கூர், தான்தோன்றிமலை ஊராட்சி ஒன்றியத்தில் வெங்கடா-புரம் ஆகிய இரண்டு தொடக்கப் பள்ளிகளில், மாணவர்களே இல்லாததால் மூடப்பட்டு விட்டது என, கடந்த, 30ல் நமது நாளிதழில் செய்தி வெளியாகி இருந்தது.

இப்பள்ளிகளை மீண்டும் திறக்க வேண்டும் என, பள்ளி கல்வித்-துறை உத்தரவிட்டது. அதன்படி, தான்தோன்றிமலை ஊராட்சி ஒன்றியத்தில், வெங்கடாபுரம் தொடக்கப்பள்ளி மீண்டும் நேற்று மீண்டும் திறக்கப்பட்டது.

இது குறித்து, கரூர் மாவட்ட தொடக்கக் கல்வி அலுவலர் ராமநா-தன்செட்டி கூறுகையில்,'' வெங்கடாபுரம் பள்ளி இரண்டு ஆசிரி-யர்கள், மூன்று மாணவர்களுடன் செயல்பட தொடங்கி உள்ளது. மேலும் மாணவர்களை சேர்க்க திட்டமிடப்பட்டுள்ளது,'' என்றார்.