கரூர்:கரூர் மாநகராட்சி, பெரிய கோதுார் பகுதியில், 200க்கும் மேற்பட்ட குடும்பத்தினர் வசிக்கின்றனர். அந்த பகுதியை சேர்ந்தவர்கள் கரூர் நகர பகுதிக்கு, பெரிய குளத்துப்பாளையம் வழியாகவும், ஈரோடு சாலைக்கு மூர்த்திப் பாளையம் வழியாகவும் செல்ல வேண்டும். ஆனால், பெரியகோதுாரில் இருந்து மூர்த்திப் பாளையம் வரையிலும், பெரிய குளத்துப்பாளையம் வரையிலுமான சாலை, பல மாதங்களாக குண்டும், குழியுமாக, போக்குவரத்துக்கு பயனற்ற நிலையில் உள்ளது. மேலும், அந்த சாலைகளில் மின் விளக்குகளும் இல்லை.