இதேபோல், நாமக்கல் நரசிம்மர் கோவிலில் உள்ள கிருஷ்ணர் சன்னதியில், கிருஷ்ணர், பாமா, ருக்மணிக்கு, சிறப்பு அபிஷேகம் செய்யப்பட்டது. சேந்தமங்கலம் அடுத்த காளப்பநாயக்கன்பட்டியில் உள்ள கிருஷ்ண சுவாமி கோவிலில், காலை, 10:00 மணிக்கு கிருஷ்ணர் பூஜை, மதியம், 2:00 மணிக்கு உறியடி, மாலை, 5:00 மணிக்கு வழுக்கு மரம் ஏறும் விழா நடந்தது. மோகனுார் அடுத்த வளையப்பட்டி பிரசன்ன வெங்கட்ரமணர் திருக்கோவிலில், வேணுகோபால சுவாமிக்கு சிறப்பு அபிஷேகம், அலங்காரம் செய்யப்பட்டது. பள்ளிப்பாளையம் அருகே, அக்ரஹாரம் பகுதியில் அமைந்துள்ள கிருஷ்ணர் கோவிலில், சிறப்பு பூஜை நடந்தது. சிறுவர்கள் கிருஷ்ணர் வேடமிட்டு கோவிலுக்கு வந்தனர். சுற்றுவட்டாரத்தை சேர்ந்த ஏராளமான பக்தர்கள் சுவாமி தரிசனம் செய்தனர்.