மேட்டூர் அணையின் நீர் இருப்பை பொறுத்து, காவிரி டெல்டா பாசனத்திற்கு ஆண்டு தோறும் ஜூன், 12-ம் தேதி தண்ணீர் திறக்-கப்படுவது வழக்கம். ஆனால், தென்மேற்கு பருவ மழையை காரணம் காட்டி, தமிழகத்துக்கு தேவையான தண்ணீரை கர்நா-டகா திறக்கவில்லை. இதனால் மேட்டூர் அணை நீர்மட்டம் சரிந்து, 51 அடியாக உள்ளது. இதனால் கரூர் மாவட்டத்தில் சம்பா சாகுபடி தொடங்க விவசாயிகள் தயக்கம் காட்டி வருகின்-றனர்.

இது குறித்து, வேளாண் அதிகாரிகள் கூறியதாவது: கரூர் மாவட்-டத்தில் ஆண்டுதோறும், 13,000 ஹெக்டேரில் நெல் சாகுபடி நடக்கும். காவிரி ஆற்று நீரை மட்டுமே நம்பி சாகுபடி நடப்-பதால், 90 சதவீதம் சம்பா பருவ காலங்களில் நெல் பயிரிடப்படு-கிறது.

கடந்த மூன்று ஆண்டுகளாக இயல்பான பரப்பை விட, 2019--20ல் 13,910 ஹெக்டேர், 2020--21ல், 15,902 ஹெக்டேர், 2021--22ல், 14,966 ஹெக்டேர், 2022--23ல், 13,959 ஹெக்டேர் என கூடுதலாக சம்பா சாகுபடி நடந்தது. கடந்த ஆண்டு ஜூன், 12ல் மேட்டூர் அணையில் நீர் திறக்கப்பட்ட போதும், பாதியில் தண்ணீர் திறப்பு நிறுத்தப்பட்டதால், 2023-24ல், 8,000 ஹெக்டேர் மட்டுமே சம்பா சாகுபடி நடந்தது. நடப்பு ஆண்டில் தண்ணீர் இல்லாததால், ஜூன் 12ல் மேட்டூர் அணை திறக்கவில்லை.

ஒரு போக விளைச்சல் கொண்ட இந்த மாவட்ட விவசாயிகள், ஆடி 18 அன்று விதை நாற்றங்கால் விடும் பணியை தொடக்-குவர். இதற்காக ஆடி பிறந்ததும், நிலத்தை உழும் பணியை தொடங்குவர். தற்போது மேட்டூர் அணையில் போதிய தண்ணீர் இல்லாததால், சாகுபடி தொடங்க ஆர்வம் காட்டாததால் மேய்ச்சல் நிலமாக மாறி வருகிறது. கர்நாடகாவில் காவிரி நீர்பி-டிப்பு பகுதிகளில் தொடர் மழை பெய்து வருவதால், மேட்டூர் அணைக்கு நீர்வரத்து வினாடிக்கு 23,989 கன அடியாக அதிகரித்-திருப்பதுடன், நீர்மட்டமும், 51 அடியை எட்டியுள்ளது. அணை நிரம்பி போதிய அளவில் தண்ணீர் திறந்தால் மட்டுமே சம்பா சாகுபடி தொடங்கும்.