பள்ளிகளில் ஆசிரியர்களாக பணியாற்ற, ஆசிரியர் தகுதி தேர்வில் தேர்ச்சி பெற வேண்டும் என்ற அடிப்படையில், அதற்கான தேர்வு ஒவ்வொரு ஆண்டும் நடத்தப்படுகிறது.

அதன்படி, நடப்பாண்டுக்கான ஆசிரியர் தகுதி தேர்வுக்கான அறி-விப்பு, கடந்த ஆகஸ்டு மாதம் வெளியிடப்பட்டது. செப்., 10 வரை விண்ணப்பங்கள் பெறப்பட்டன. விண்ணப்பித்தவர்களுக்-கான ஆசிரியர் தகுதி தேர்வு தாள்--1 தேர்வு நேற்று நடந்தது. இரண்டாம் தாள் தேர்வு இன்று நடக்கிறது.

கரூர் மாவட்டத்தில், முதல் தாள் தேர்வு கரூர் பசுபதீஸ்வரா பெண்கள் மேல்நிலைப் பள்ளி உள்பட 5 மையங்களில், 1,254 தேர்வர்கள் தேர்வு எழுதினர். இன்று நடக்கும் இரண்டாம் தாள் தேர்வில், 19 மையங்களில், 5,228 தேர்வர்கள் எழுத உள்ளனர். காலை, 9:30 மணிக்குள் தேர்வு மையங்களுக்கு வந்தவர்கள் மட்-டுமே அனுமதிக்கப்பட்டனர். அதற்கு மேல் வந்தவர்கள் அனும-திக்கப்படவில்லை. தேர்வு மையத்தின் வெளியே, நுழைவு சீட் உள்ளவர்கள் மட்டுமே சோதனைக்கு பின், உள்ளே செல்ல அனு-மதிக்கப்பட்டனர்.

தேர்வு நாளில் தடையில்லா மின்சாரம் வழங்கிடவும் மற்றும் அவசர தேவைக்கான மருத்துவ குழுக்கள் தயார் நிலையில் இருக்-கவும், மாவட்ட நிர்வாகத்தால் ஏற்பாடு செய்யப்பட்டுள்ளது. அனைத்து தேர்வு மையங்களிலும், போலீசார் பாதுகாப்பு பணியில் ஈடுபட்டனர்.