கரூர், கரூர் மாநகராட்சிக்குட்பட்ட, 18-வது வார்டில் உள்ள ராஜா நகரில், 500-க்கும் மேற்பட்ட குடும்பத்தினர் வசித்து வருகின்றனர். இங்குள்ள, 7, 8 வது குறுக்கு சந்துகளில் சாலைகள் அமைக்கப்பட்டு, 15 ஆண்டுகளுக்கும் மேலாவதால், சாலையில் கற்கள் பெயர்ந்து குண்டும், குழியுமாக காணப்படுகிறது. கழிவுநீர் வாய்க்கால் வசதியும் இல்லாததால், வீடுகளில் இருந்து வெளியேறும் கழிவுநீர் சாலையில் குளம் போல தேங்கி துர்நாற்றம் வீசுகிறது.