குளித்தலை: குளித்தலை அடுத்த தளிஞ்சி கிராம சாலையில், அரசுக்கு சொந்தமான புளியமரம், வேப்பமரம் ஆகியவற்றை அரசு அனுமதியின்றி வெட்டி, லாரியில் ஏற்றி கொண்டிருப்பதாக வி.ஏ.ஓ., விஜயேந்திரனுக்கு தகவல் வந்தது. இதையடுத்து, நேற்று முன்தினம் சம்பவ இடத்தில் வி.ஏ.ஓ., விஜயேந்திரன் கண்காணிப்பில் ஈடுபட்டார். அப்போது, அடையாளம் தெரியாத நபர்கள், வெட்டிய மரங்களை லாரியில் ஏற்றிக்கொண்டிருந்தது தெரியவந்தது.