கரூர்;கரூர் மாவட்டம் புகழூர் தாலுகா உள்பட்ட பகுதியில் உங்களைத் தேடி உங்கள் ஊரில் திட்டத்தில் கலெக்டர் தங்கவேல், பல்வேறு திட்ட பணிகளை ஆய்வு செய்தார். ஓலப்பாளையம் ஆரம்ப சுகாதார நிலையத்தில் உள்நோயாளிகள் பிரிவு, வெளி நோயாளிகள் பிரிவு, மருந்துகள் இருப்பு, சித்த மருத்துவ பிரிவு, மகப்பேறு பிரிவு, அவசர பிரிவு ஆகிய சிகிச்சை பிரிவுகளை ஆய்வு மேற்கொண்டார். அரசு ஆரம்ப சுகாதார நிலையத்தின் அருகில் நமக்கு நாமே திட்டத்தில், 30 லட்சம் ரூபாய் மதிப்பில் புதிதாக கட்டப்பட்டு வரும் மகப்பேறு கட்டிட பணிகளை பார்வையிட்டார்.