கிருஷ்ணராயபுரம் அடுத்த சந்தையூரில் நேற்று வாரச்சந்தை கூடியது. சிவாயம், அய்யர்மலை, தோகைமலை, பஞ்சப்பட்டி மற்றும் சுற்று வட்டார பகுதிகளில் இருந்து, விவசாயிகள் தாங்கள் வளர்க்கும் ஆடு, கோழி, காய்கறிகளை கொண்டு வந்து விற்பனை செய்கின்றனர். நேற்று காலை முதல் சாரல் மழை பெய்ததால், சந்தைக்கு குறைவான ஆடு, கோழிகளையே விற்பனைக்கு கொண்டு வந்தனர். அதேசமயம் விற்பனையும் மந்த நிலையில் இருந்தது. 8 கிலோ கொண்ட ஆடு, 8,500 ரூபாய், நாட்டுக்கோழி கிலோ, 450 ரூபாய்க்கு விற்கப்பட்டது.