வைகுண்ட ஏகாதசி விழாவையொட்டி, கரூர், அபய பிரதான ரங்கநாத சுவாமி கோவிலில், சொர்க்க வாசல் திறப்பு நிகழ்ச்சி நடந்தது. இதை-யொட்டி, கடந்த, 20ல் பகல் பத்து உற்சவம் துவங்-கியது. நாள்தோறும் சிறப்பு அலங்காரத்தில், சுவாமி பக்தர்களுக்கு அருள்பாலித்தார். நேற்று முன்தினம், மோகினியார் அலங்காரத்தில் சுவாமி அருள்பாலித்தார்.முக்கிய நிகழ்ச்சியான, நேற்று அதிகாலை, 4:30 மணிக்கு பரமபத வாசல் எனப்படும் சொர்க்க-வாசல் திறக்கப்பட்டது. பரமபத வாசலை கடந்த நம்பெருமாளை, லட்சக்கணக்கான பக்தர்கள், 'கோவிந்தா... கோவிந்தா...' கோஷம் விண்ணதிர, நீண்ட வரிசையில் காத்திருந்து சுவாமியை தரி-சனம் செய்தனர்.

* கரூர், பண்டரிநாதன் சுவாமி பஜனை மடத்-திலும், சொர்க்க வாசல் திறப்பு விழா, நேற்று காலை, 5:00 மணிக்கு நடந்தது. முன்னதாக, மூலவர் முத்தங்கி சேவையில் பக்தர்களுக்கு அருள்பாலித்தார். சொர்க்கவாசல் திறப்புக்கு பின், பக்தர்களுக்கு பிரசாதம் வழங்கப்பட்டது.

* கரூர் அருகே, சேங்கல்மலை வரதராஜ பெருமாள் கோவிலில், நேற்று அதிகாலை, 5:30 மணிக்கு சொர்க்க வாசல் திறப்பு விழா நடந்தது. ஏராளமான பக்தர்கள் சுவாமியை வழிபட்டனர்.

* கிருஷ்ணராயபும் லட்சுமி நாராயண பெருமாள் கோவிலில், நேற்று அதிகாலை, லட்சுமி நாரா-யண பெருமாள், லட்சுமி தேவியுடன், திருத்-தேரில் பரமபத வாசல் வழியாக வந்து பக்தர்க-ளுக்கு சேவை சாதித்தார்.

* மகாதானபுரம் அக்ரஹாரத்தில் உள்ள கல்-யாண வரதராஜ பெருமாள் கோவிலில், பெருமாள், தாயாருடன் சிறப்பு அலங்காரத்தில், சொர்க்க வாசல் வழியாக வந்து பக்தர்களுக்கு காட்சியளித்தார்.

* குளித்தலையில், 1,200 ஆண்டுகளுக்கு மேல் பழமைவாய்ந்த நீலமேக பெருமாள் கோவிலில், சிறப்பு அலங்காரத்தில் எழுந்தருளிய நீலமேக பெருமாள், ராமானுஜர், நம்மாழ்வார், திருமங்-கையாழ்வார் ஆகிய உற்சவர்கள், சொர்க்க வாசல் வழியாக சென்று அருள்பாலித்தனர். திர-ளான பக்தர்கள், 'கோவிந்தா...கோவிந்தா...' என, பக்தி கோஷம் முழங்கி சொர்க்க வாசலை கடந்து வந்தனர். இதேபோல், குளித்தலை, வைகை-நல்லுார் அக்ரஹாரம் லட்சுமி நாராயண பெருமாள் கோவிலில் நடந்த சொர்க்கவாசல் திறப்பு நிகழ்ச்சியில், ஆயிரக்கணக்கான பக்தர்கள் சுவாமி தரிசனம் செய்தனர்.