கரூர் மாவட்ட மைய நுாலகத்தில், தமிழ்நாடு அரசு பணியாளர் தேர்வாணையத்தின் குரூப் 4(வி.ஏ.ஓ.,) போட்டி தேர்வுக்கான மாதிரி தேர்வு பயிற்சி வகுப்பு தொடக்க விழா நடந்தது. இதை, கலெக்டர் தங்கவேல் தொடங்கி வைத்து பேசியதாவது:போட்டி தேர்வு என்பது பள்ளி, கல்லுாரி தேர்வு போன்றதல்ல. அவ்வப்போது பாடத்திட்டத்தில் ஏற்படும் மாற்றத்திற்கு தகுந்-தாற்போல் உங்களை தயார்படுத்திக்கொள்ள வேண்டும். நானும், குரூப் -4, குரூப் -2, குரூப் -1 என்று படிப்படியாக போட்டித்தேர்வு எழுதி, கரூர் கலெக்டராக பணியாற்றி வருகிறேன். இப்பயணம் இத்துடன் நின்று விடாமல் தொடர்ந்து உயர் பதவிக்கு வரும் வகையில் உங்களது முயற்சி இருக்க வேண்டும்.

போட்டி தேர்வு வெற்றி என்பது முயற்சியும், பயிற்சியும் ஒன்றி-ணைவது அவசியமாகும். போட்டி தேர்வு பாடங்களை தொடர்ந்து படிப்பதோடு, ஆழ்ந்து படிக்க வேண்டும். உங்களது பலம், பலவீனம், வாய்ப்பு, சவால்களை அறிந்து பாடப்பகுதி-யினை நன்குபுரிந்து படியுங்கள். மனதை அறிவால் நிரப்பி, பொது அறிவை வளர்த்து கொள்ள வேண்டும். மாதிரி தேர்வினை தொடர்ந்து பயிற்சி செய்து, பயம் தவிர்த்து குழு உரையாடல் மூலம் பாடங்களை பகிர்ந்து, மனதினுள் உள்வாங்கி தயார் செய்-யுங்கள்.

இவ்வாறு, பேசினார்.

மாவட்ட நுாலக அலுவலர் சிவக்குமார், வருமான வரி ஆய்-வாளர் கார்த்திக், மாவட்ட மைய நுாலக நுாலகர் மேரிரோசரி-சாந்தி உள்பட பலர் பங்கேற்றனர்.