கரூர் மாவட்டம், நொய்யல் அருகில் சாலைபுதுார் ஒழுங்குமுறை விற்பனை கூடம் உள்ளது. இங்கு நேற்று நிலக்கடலை ஏலம் நடந்தது. சுற்று பகுதிகளை சேர்ந்த விவசாயிகள், 223 மூட்டைகளை விற்பனைக்கு கொண்டு வந்தனர். இதில் நிலக்கடலை ஒரு கிலோ குறைந்தபட்சமாக, 60.09 ரூபாய், அதிகபட்சமாக, 72.20 ரூபாய், சராசரியாக, 69.30 ரூபாய்க்கு ஏலம் போனது. மொத்தம், 6,945 கிலோ எடையுள்ள நிலக்கடலை, நான்கு லட்சத்து, 73 ஆயிரத்து, 898 ரூபாய்க்கு விற்பனையானது.