கரூர் மாவட்டம், நொய்யல் அருகில் சாலைபுதுார் ஒழுங்குமுறை விற்பனை கூடத்தில், நேற்று நிலக்கடலை ஏலம் நடந்தது. ஏலத்தில் சுற்று வட்டார பகுதிகளை சேர்ந்த விவசாயிகள், 175 மூட்டைகளை விற்பனைக்கு கொண்டு வந்தனர்.

இதில் ஒரு கிலோ குறைந்தபட்சமாக, 63.16 ரூபாய், அதிகபட்சமாக, 69.50 ரூபாய், சராசரியாக, 68.39 ரூபாய்க்கு ஏலம் போனது. மொத்தம் 5,972 கிலோ எடையுள்ள நிலக்கடலை, 3 லட்சத்து, 86 ஆயிரத்து, 141 ரூபாய்க்கு விற்பனையானதாக அதிகாரிகள் தெரிவித்தனர்.