இதுகுறித்து, அவர் வெளியிட்ட அறிக்கையில் கூறியிருப்பதாவது:

கரூரில் உள்ள, திருச்சி கூட்டுறவு மேலாண்மை நிலையத்தில் பகுதி நேர நகை மதிப்பீட்டாளர் பயிற்சி முகாம் வரும், 18ல் தொடங்குகிறது. பயிற்சி காலம் இரண்டு மாதங்களாகும். அதற்கான விண்ணப்பங்கள் கரூரில் உள்ள, திருச்சி கூட்டுறவு மேலாண்மை நிலையத்தில் கடந்த செப்., 22 முதல் வழங்கப்படுகிறது. விருப்பம் உள்ளவர்கள், 118 ரூபாய் செலுத்தி விண்ணப்ப படிவத்தை பெற்று கொள்ளலாம்.

நகை மதிப்பீட்டாளர் பயிற்சி பெற கல்வி தகுதி எஸ்.எஸ்.எல்.சி., தேர்ச்சி பெற்று இருக்க வேண்டும். பயிற்சி கட்டணமாக, 4,550 ரூபாய் செலுத்த வேண்டும். பயிற்சியின் போது, நகையின் தரம் அறியும் உபகரணங்கள் வழங்கப்படும்.

பயிற்சி முடிந்து சான்று பெற்றவர்கள், வேலைவாய்ப்பு அலுவலகத்தில் பதிவு செய்து கொள்ளலாம். வயது வரம்பு கிடையாது.

பயிற்சியில் தேர்ச்சி பெற்றவர்கள் கூட்டுறவு சங்கங்கள், கூட்டுறவு வங்கிகள் உள்ளிட்ட, அனைத்து வங்கிகளிலும் நகை மதிப்பீட்டாளராக பணியில் சேரலாம். மேலும் விபரங்களுக்கு, 0431-2715748, 99946-47631 ஆகிய எண்களில் தொடர்பு கொள்ளலாம்.

இவ்வாறு, அறிக்கையில் தெரிவித்துள்ளார்.