கரூர் மாவட்டம் நெரூரில், பிரசித்தி பெற்ற சுயம்பு அக்னீஸ்வரர் கோவிலில், ஆண்டுதோறும் ஆடி மாதத்தில் இசைக்கலைஞர்கள் ஒன்று சேர்ந்து இசைக்கும் நாத உற்சவ பெருவிழா நடக்கிறது. நடப்பாண்டு விழா நேற்று காலை, 8:00 மணிக்கு துவங்கியது. 8:30 மணிக்கு நாத சங்கமம், 10:30 மணிக்கு ஸ்ரீமத் சிவாக்கர தேசிக சுவாமிகளின் அருளுரை, 2:00 மணிக்கு சாமவேதம் ஓதுவாரின் குழுவினரின் தேவாரப்பண்ணிசை நிகழ்வு நடந்தது .

மாலை, 6:00 மணிக்கு, 300க்கும் மேற்பட்ட நாதஸ்வர, தவில் வித்வான்களின் நாத உற்சவ பெருவிழா நடந்தது. இதில் பல்வேறு பக்தி பாடல்கள், இசை வடிவில் வாசிக்கப்பட்டன. பின், மூலவர் அக்னீஸ்வரருக்கு மஹா தீபாராதனை காட்டப்பட்டது.